Baiona linda co Rosal, unha das cinco subzonas (xunto ó Salnés, Condado, Soutomaior e Ribeira do Ulla) da Denominación de Orixe "Rías Baixas". Estes viños figuran ano tras ano entre os mellores brancos españois. Creados a partir dunha uva básica, a albariña, están marcados polo seu alto contido en azucre e pola súa acidez.
As outras uvas que interveñen na elaboración dos viños son, exclusivamente, das seguintes variedades:
Nos últimos anos os colleiteiros incorporaron tecnoloxías de vangarda para a produción do viño, o que, xuntado ó cultivo e tarefas de recolleita e vendima ó xeito tradicional, provocaron un considerable progreso na calidade dos caldos.
Despois de elaborados, os viños pasan controis analíticos e sométense á valoración sensorial dun comité de cata, que decide se poden lucir a contraetiqueta "Rías Baixas", Denominación de Orixe que desenvolve plans de exportación e promoción no exterior (principalmente Alemaña, Estados Unidos e Xapón).
Do bagazo destas uvas sácanse tamén finas augardentes, usadas para facer a queimada, bebida con reminiscencias máxicas coas que se coroan as boas ceas.