Son moitas as festas e celebracións que se levan a cabo en Baiona e as súas parroquias.
As parroquias son as unidades relixiosas das 67 dióceses existentes e, cada unha delas ten un patrón. As festas en honor a cada un deles consisten en oficios relixiosos aos que, en ocasións, segue unha celebración.
Igualmente en cada comarca ou rexión perviven ritos ou celebracións ancestrais relacionadas con mitos, lendas e costumes profanas.
As festas máis destacadas de Baiona son as seguintes:
- Festa da Arribada
(Baiona / primeiro fin de semana de marzo)
Romaría medieval coa que se conmemora a Arribada da Carabela Pinta a Baiona en 1493 anunciando o descubrimento de América. - Semana Santa
(En tódalas parroquias de Baiona)
Tradicionais festas relixiosas nas que se lembra a morte e resurrección de Cristo. As procesións e pasos da Semana Santa de Baiona son famosos en toda a comarca. - Curros de cabalos
(Monte de A Groba / última fin de semana de maio e 1º e 2º de xuño. Pendente de confirmación)
Marcado de cabalos salvaxes. Unha das máis espectaculares celebracións ancestrais de Galicia. - Virxe da Cela
(Baredo / primeiro domingo de xullo) - Virxe do Carmen
(Baiona / 16 de xullo)
Procesión marítima pola ría coa Virxe os pescadores e ofrenda floral polos falecidos no mar. - Santa Mariña
(Baíña / 18 de xullo) - Santa Liberata
(Baiona / 20 de xullo)
Oficios na honra da mártir baionesa, a primeira muller crucificada da historia. - Santa Cristina
(Santa Cristina da Ramallosa / 24 de xullo) - Virxe da Anunciada
(Baiona / 1º fin de semana de agosto)
Patroa de Baiona. Os mariñeiros bailan a centenaria Danza das Espadas. - San Lorenzo
(Belesar / 10 de agosto) - Santa Marta
(O Burgo-Baíña / 15 de agosto)
Misa e procesión na ermida da península de Santa Marta. - Virxe da Rocha
(Baiona / último domingo de agosto)
Romaría campestre no parque Mercedes Escalera, anexo ó monumento-miradoiro dedicado á Virxe. - San Cosme e San Damián
(Baiona / 26 de setembro)
Festa das noces e do mel e postos de venda de productos agrícolas.
