Tras varias semanas en dique seco no peirao de reparacións dos estaleiros Joaquín Castro de Camposancos, na Guarda, a réplica da carabela “A Pinta” xa está practicamente lista e permanece a flote desde onte ás 13:30 horas.

A nao permanecerá amarada a peirao no río ata o sábado ao medio día e coa marea partirá rumba a Baiona, onde ten previsto arribar ao redor das 19.30 horas.

“Amarraremos no Monte Real Club de Iates e estaremos alí toda a semana rematando traballos de montaxe na parte do museo para trasladarnos ao noso amarre definitivo a tarde do venres 24 ou a mañá do sábado 25 de novembro”, matizou o Concelleiro de Actividades Marítimas, Raúl Costas Lafuente.

Desde a Concellería de Actividades Marítimas do Concello de Baiona agradécese a colaboración do Monte Real Club de Iates e da Consellería de Pesca da Xunta de Galicia encargados do remolque da carabela.

GABINETE DE PRENSA CONCELLO DE BAIONA

REALIZADO POR: MARTA GONZÁLEZ PÉREZ gabinetedeprensa@baiona.org