Baiona foi o primeiro porto de Europa que recibiu a noticia da descuberta de América. O 1 de marzo de 1493 a carabela Pinta, capitaneada por Martín Alonso Pinzón, atracou nestas augas. Coa conmemoración do V Centenario do Descubrimento construíuse unha réplica da embarcación que permanece amarrada para os visitantes nun dos peiraos.

En 1999 volveuse acondicionar o inteiror da nave, dotándoa de todos os elementos da época colombina, tanto da cultura cristiá coma da indíxena cultura taína. Deste xeito o visitante pode contemplar a carabela tal e como chegou a Baiona en 1493 e revivir o feito do descubrimento contemplando as figuras que representan a tripulación e os indíxenas americanos, ademais de reproducións dos metais, plantas, alimentos e animais exóticos achados no novo mundo. Contén paneis interpretativos e xogos interactivos.

Máis información: Museo da Carabela Pinta

Horario:

Martes  a venres: 10:30- 13:00 / 16:00 – 19:00 h. Sábado e domingo: 10:30 13:00 / 16:30 - 19:00 h. 

Precio: 2 €

Entrada conxunta Casa da Navegación-réplica da Carabela Pinta: 3 €

PAGO EXCLUSIVAMENTE CON TARXETA