O esteiro do río Miñor

O esteiro do río Miñor esténdese desde a ponte da Ramallosa ata a súa entrada na ría de Baiona, a carón da praia da Ladeira. O esteiro, que ten partes areosas e brañas, está poboado principalmente por xungos e plantas salinas. A penas está bordeado por bosque de ribeira, agás a zona próxima á praia, na que abondan os piñeiros.

É fermoso o seu rostro coa baixamar e na hora do solpor: os xungos brillan, os corvos mariños e os parrulos revoan as marismas, e algunhas linguas de auga chegan do río ata o mar. A esa hora, as principais especies piscívoras que hai nestas augas, como a anguía, a robaliza e algún salmón, deambulan perdidas entre a ría e a ponte da Ramallosa, lugar de privilexio para pescadores.

 
Engadir ao planificador de viaxes
Este lugar pertence a ruta seguinte: Natureza