Foi construído no século XV sobre unhas rochas da parte alta da vila. É dos poucos exemplares con cuberta de baldaquino. A súa cúpula é renacentista, con forma de pirámide sostida sobre unhas columnas rematadas en forma de pináculos cilíndricos con coroa cónica. No interior hai un cruceiro gótico coa imaxe de Cristo e, ós seus pés, a da Virxe xunto a outras figuras consagradas da Dolorosa, a Magdalena e o Apóstolo Santiago.