Amais da ponte romana da Ramallosa, a mostra máis egrexia das construcións civís conservadas en Baiona é a Fortaleza de Monterreal. A súa utilidade na defensa da vila durante varios séculos, a súa antigüidade e feitizo, avalan esa consideración. Outras obras históricas que merecen interese son a ponte romana de Sabarís ou a fonte do Pombal. Así mesmo, mantéñense en bo estado varias casas nobiliarias construídas entre os séculos XV e XVIII.
