Dedicada no lugar do mesmo nome, no camiño do Burgo a Sabarís, é de pedra e agóchase baixo unha arcada nun muro que dá ó Camiño Real ou calzada romana. Ten trazos góticos e pénsase que o seu autor é o mesmo que construíu o cruceiro da Trinidade. No frontal amosa tres escudos: no centro, as armas da Casa Real de España do século XVI; á esquerda, o da vila de Baiona, e á dereita un terceiro escudo imposible de recoñecer dado o seu estado de erosión. A fonte ten unha arqueta e unha mina pechadas por portas de ferro, un cano útil e dous inservibles, banco de pedra e sumidoiro. Na súa parte posterior ten un pequeno lavadoiro de tres metros.