Paseo marítimo

Porto e paseo

Desde sempre Baiona coidou o seu contorno marítimo. En todos aqueles lugares por onde o mar se achega á vila hai un espazo de sosego onde o home pode estar en contacto coa súa orixe. A conexión de todos estes lugares que miran ó mar dará lugar co tempo a un prolongado paseo de máis de 6 quilómetros en liña.

Na saída de Baiona cara a Oia está o paseo Pinzón, coñecido de antigo como o Rompeolas. Fronte del principia o paseo de monte Boi, que circunvala a base da fortaleza de Monterreal e deixa albiscar o horizonte da ría. Moi próximo aparece o paseo Ribeira, en paralelo á súa praia. Esta vía forma un cóbado co paseo marítimo, que conecta as avenidas de Elduayen e Alférez Barreiro e está previsto que chegue ata A Ramallosa, tramo do que xa comezaron as obras.

 
Engadir ao planificador de viaxes
Este lugar pertence a ruta seguinte: Natureza