O Concello de Baiona destinou un total de 7.200 euros ás obras de asfaltado do Camiño de Entrerrios, paralelo ao río Groba, en Sabarís.

Os traballos levados a cabo consistiron na pavimentación do viario, que antes da intervención era de terra e presentaba numerosas fochancas. Para iso leváronse a cabo o perfilado tanto no camiño como nos bordos e rasantes. Mellorando o firme estendendo dúas capas asfálticas en quente 5+5cm de espesor, unha capa de dobre adecuada para camiños rurais e perdurable no tempo. A área de actuación dos traballos foron uns 500 m2.

O Camiño Entrerrios é un viario cun importante volume de tránsito tanto de vehículos como de peóns especialmente os luns de mercado xa que comunica unha área de aparcadoiro coa Praza Vitoria Cadaval.

O concelleiro de Vías e Obras, Daniel García Dacuña, expresou que “este reforzo permitirá aos vehículos circular sen fochancas e con maior seguridade. Ademais de liquidar estes problemas, co asfaltado tamén se evitan os charcos e o barro que se formaban cando chovía que salpicaban e manchaban tanto a vehículos como a viandantes. Esta actuación súmase a outras moitas similares levadas a cabo nas parroquias do municipio e que seguirá ao longo da lexislatura con próximas actuacións”

GABINETE DE PRENSA CONCELLO DE BAIONA

REALIZADO POR: MARTA GONZÁLEZ PÉREZ gabinetedeprensa@baiona.org